Sparebanken Sogn og Fjordane er den største banken i Sogn og Fjordane med ein forvaltningskapital på 56,1 milliard kr og dei sysselset 250 årsverk. Marknadsandelen deira er på nesten femti prosent når det gjeld utlån til privatkundar, og også på bedriftsmarknaden og på eigedomsmekling har dei ein høg marknadsandel. Ein sterk regional sparebank er viktig for eit levande næringsliv. Å vere den fremste finansieringskjelda for næringslivet i Sogn og Fjordane, er eit av banken sitt viktigaste samfunnsoppdrag, og 6 av 10 aksjeselskap i deira kjerneområde er kundar i banken. Sparebanken Sogn og Fjordane er eit finanshus der du får alt på ein plass; sparing, lån, forsikring, investering og også eigedomsmekling.

                                                                                                          Generalsponsor

Åsen & Øvrelid Fotballakademiet vinter/vår 2021

Førde IL Fotball fortsett med Åsen & Øvrelid Fotballakademiet! Eit steg vidare – med fokus på meistring. 

Fotballakademiet er laga for deg som vil trene meir. Øving og masse god terping mot ulik motstand og i ulike spelformer er bra for å få god utvikling. Vi vil ha fokus på at alle skal tore med ball, og det å ha ball og ta på press er eit viktig tema for akademiet vårt. I tillegg; fokus på å bli ein god første forsvarar, med rask forflytning og aggresivitet.

Tilbodet er for gutar og jenter fødd i 2009 - 2012. Oppstart 25. januar og avslutning 25. mars - totalt 18 økter i vekedagar. I vinterferien blir det økter på dagtid, 1 eller 2 dagar. (kjem info om dette). Der er ikkje eigne jentegrupper, men jentene trenar saman med gutane.

Cupdeltaking for deltakarane: Vi vil fortsette å prøve å få til akademiturneringar med andre akademi i kretsen.

Tidspunkt for øktene:

Måndag og onsdag 1500 – 1615: u9 og u10. Oppstart 25. jan, avslutning 24. mars.

Tysdag og torsdag 1500 – 1615: u11 og u12. Oppstart 26. jan, avslutning 25. mars.

Pris pr deltaker er kr.2300,- inkludert Umbro regnjakke for nye deltakarar

Pris for dei som ikkje skal ha jakke kr.2000,-

NB! NB! I påmeldinga – skriv om du skal ha jakke eller ikkje.

Ønskjer du å delta på Åsen & Øvrelid Fotballakademiet så meld deg på til:

Bjørn Totland:  bjorn@forde-fotball.no 

Frist for påmelding er onsdag 20. jan. 

I påmeldinga treng vi fylgjande  kontaktinfo:

Namn og årsmodell på utøvar, e-post og telefon til føresette samt storleik på jakke 140-152-164-xs osv.)

Det vil bli sendt ut en bekreftende e-post ved påmelding.

Velkomen til lærerike økter

Bjørn Totland

Spelarutviklar og Trenarveiledar 

Førde IL Fotball

Akademiet vårt skal vere ein stad med:

• Stor aktivitet
• Tilstedeværelse blant spelarane
• Fagleg læring, tydeleg tema i øktene
• Der ein trenar med dei som er like motiverte som ein sjølv
• Trenarutvikling
• Tryggheit, glede, leik og meistring
• Trening på tvers av skulekretsar, kjønn og alder
• Kvalitet J